torsdag den 11. august 2011

One Way - Hillsong Live Worship for Kids (Super Strong God)



Tann modernaði kristni lovsangurin, er farin at líkjast teimum suggiserandi lovsangsunum hjá gomlu religiónunum. Teknikkurin er tann sami. Tað skuldi ikki verði so løgi, endamáli er jú tað sama.
Her er tað lovsangurin hjá Hillsong "ONE WAY" og so lovsangurin hjá tí 6000 ára gomlu Afrika religiónini VooDoo sum sjildskapurin er eygsýndur.

AFRICA VooDoo TRANCE

søndag den 10. juli 2011

Aftur í 40'ini

Undir seinna veraldarbardaga var eg ikki í Klaksvík tað ringastu bomitíðina 1942 og1943. Ì 1944 komu vit aftur til Klaksvíkar.  Tá høvdu vit við sama lag vitjan av tískum flúgvarum av og á. Tað einu ferðina varð eg mitt í eldinum. Tað var einastu ferð eg var rattiliga bangin. Eg var staddur niðri í fjøruni millum bedingina og Kósina. Har sá ikki soleiðis út sum nú. À Kósini lógu tveir armerðair trolara,tað vóru trolara sum høvdu kanón framman og við síðuna á styrhúsinum á baðum siðum,høvdu teir nakað,hvat tað kallaist veit eg ikki, tað var eitt lítið torn,og í torninum vóru fleiri smáar kanónir eini 6 ella 8 tær peikaðu allar sama veg. Meðan eg gangi har niðri í fjøruni hoyri eg ein flúgvara hyggi upp, har  var einki at síggja, men inn eftir Pollinum kemur ein flúgvari, hann var so lágt at eg sá hann undir luftbrúgvunum sum tá vóru á kósini. Flúgvarin hevði beina kós móti teimum armerðaðu trolarunum og mær, sum gekk har niðri í fjøruni, at renna undan nittaði lítið. Tá ið flúgvarin nærðkaist trolarunum fór hann at skjóta,tað sama gjørdu trolarnir. Flúgvarin var so lágt at hann mátti taka seg upp, fyri at verða leysur av luftbrúgvunum á Kósini og mastrunum á trolarunum, skoti var øðuligt. Tá ið flúgvarin narðkaðist har sum eg var sá eg hvussu kúlirnar spruttaðu í sjógnum og skramblaði millum smágróti í fjøruni umleið 10 meter frá mær. Kanónir vóru baði á Gørum og á Selheyggi men flúgvarin fór so lágt heim eftir vágni at teir kundu ikki skjóta fyrr hann var komin niðan á Borðoyavík,so tað hendi ikki tað stóra.
 Hetta hevði so stóra ávirkan á meg at teir nastu dagarnar vantaði eg at flúgvari fóru at koma undan hvørjum húsahjørni 

fredag den 1. juli 2011

Skriget


Nú á døgum koma fólk ofta í krisu, tí virini í tí sosialu heimsmyndini eru vekk,identiteturin er ikki longur ein konstantur,men nakað sum kann broytast,millum annað við at fara í terapi. Mangir terapiháttir vilja broyta baði atferð og hugbur. Háttirnir eru mangir: Scienttologi við dianitik, NLP, Feedback, meditation og visualisering eru nakrir í røðini. Hesir terapiðir ávirka baði krop og sál sum koma í kosmiskan balansa (holismu)
Kunnu vit skilja millum terapi og religión? Religión gevur samleika og avgerð fatanina av verðuleikanum.
Tey sum søkja terapi eru í krisu. Tann terapeutiska viðgerin kann hjálpa til størri sjálvsálit,sjálvsviri og vinna á krisuni. Terapi er meir enn teknikkur,tað er eisini eitt møti millum eitt menniskja í krisu og ein karismatiskan terapeut.
Tá ið sálarrøktin eisini er eitt líknandi møti kann munurin á terapi og religión  verða nakað flótandi.
Terapiháttirnir baði kropsligir og kognitivir hava troka seg inn á plássi hjá religión og sálarrøkt. Marki millum hesi baði og so terapi er nastan vekk.
Teir nyggju terapiháttirnir vilja ofta formidla eina religiøsa hugsan eina holistiska fatan av Alheiminum

Inspirera av søknarpresti Johannes Sanggaard

Nirvana

  • Fyrr tá droymdi eg at eg var ein summarfuglur. Eg fley glaður rundt tonkti ikki nakað anna enn at verða ein summarfuglur



                                          Nú føli eg djúpa tøgn innan í mær
                                          Eg sveimi rundt í rúminum einki minni
                                          Tann gudagivna sálin hevur vunni
                                          Sveimi rundt í einkisleika
                                          Eg sansi ikki longur sorg ella gleði
                                          Lívsins tungu byrar tyngja meg ikki 
                                          Eg føli ikki hatur ella kærleika
                                          Føli bara innan í mær eydnuríkan frið
                                          












lørdag den 23. april 2011

Minnulig ferð hjá neytum

Tá ið Jórun var hjá neytum sum 12 ára gomul, varð ikki alt bara romantikkur

tirsdag den 12. april 2011

Heilavask

Frammferðarháttur ið verður nýturt til heilavask, kann verða: Fáa teg at føla skuldarkenslur, ræða,  økja spenningin og arbeia við kenslum hjá fólki, til tey verða bangin og ill, føla seg verða tikin av bóli, ella fáa nervøst tunglyndi. À hendan hátt kan heilin tømast og gerast meir móttakuligur fyri nyggjari programmering.

Telduspøl



Frá "brick-genius" til "wii"   Broytingin er stór. Tað er ringt at fylgja við og "wii" kann eisini verða stravið 

torsdag den 17. februar 2011

Øsing


Man tað ikki verða ein psykologisk mekanisma, sum gerð at tá ið fleiri fólk hava somu uppfatan av tilverðuni, meir sannheit halda tey tað verða.
 At limirnir í einum hópi kunnu eggja og øsa hvønnannan, so at tey koma á teir mest irratiunalu tankar og heilt út av balansa. Tað  hendir ofta. Ein flokkur vil altíð verða meir enn summin av limunum


mandag den 14. februar 2011

Israel and New Breed with Hillsong - Say So

"

"SAY SO" Her eru nógvar endurtøkur. Eri ikki stinnur í enskum; men hvør er tað tey lovsingja? Lovsangurin er kanska mest fyri at koma í ekstatiska tilverðu? Tað er hann í øllum førum góður til.

onsdag den 2. februar 2011

Smiðan

Sum smádrongur var eg ofta niðri á bedingini, vit búðu bert eitt hanagleiv harfrá. Har niðri var tað  grovsmiðjan, sum hugtók meg mest.  Ì grovsmiðjuni formaðu smiðirnir tað ráða jarni til tann lut sum skuldi brúkast. Eg minnist Argja Magnus og Suroyar Johann, nøvnini ljóða ikki serliga Klaksvíkst, men eg haldi teir vóru baðir blivnir Klaksvíkingar við stóra K. Hesir baðir (Magnus og Jóhann) vóru nógv í grovsmiðjuni og teir vóru altíð blíðir við smádreingir, sum komu at hyggja. Eg var ógvuliga hutikin av, hvussi teir tóku tað gløðandi jarni úr tí opna eldinum (kalla essa) og smíðaðu tað á anboltinum við størri og smarri sleggjum til tey mest vøkru brúksting. Nú á døgum er tað minni sum verður smíða í eldi, men heilt vekk er tað ikki. 


onsdag den 26. januar 2011

Ànilsi


Ànilsi er ein  óskiljandi varhugi, um nakað sum er hent, ella fer at henda. Tað óskiljandi er at ánilsi ikki er umhugsa; men kemur sum eitt innskot í bevidstheitina .   (Føroyska orðabókin á netinum sigur at ánilsi merkir veikt lýsi)  eg meini at tað merkir nakað meir.  Hvørji eru so tey, sum hava hesi evnir. Ì bókini útrógur í Klaksvík 1845 til 1945 skrivar Robert Joensen um útrogvaformenn, sum vistu meir um veðrið enn nakar kundi droymt um. Teir hoyrdu ikki veðurforsagnir men eygleiddu natúrina og so var tað anilsi, sum kundi siga teimum tá ið vandi var á ferð. Sum stórur smádrongur var eg nógv á brúgvunum har sum útrógvabátar og menn hildu til; hesir menn tosaðu ofta um anilsi. Kanska ánilsi var serlig millum útrógvaformenn. Seinni kom eg saman við fólki sum høvdu ánilsi. Tað var sjálvsamt, sum tey vóru før fyri at taka røttu avgerðir á røttum stað.
Ikki fyri at undirmeta skúlar og tað larda fólki; men ofta tá ið serfrøðingar koma við revulitionerandi nýggjum, kan onkur av tí javana arbeiðsfólkinum á gólvinum hava havt anilsi um hetta sama í fleiri ár.   

mandag den 24. januar 2011

Aldurnar

Aldurnar fara rullandi eftir havinum, einaferð koma tær so móti landi. Tá var tað ein lítil alda, sum fór at gráta.
Ein stór alda har í nærheitini spurgdi hana hví hon græt; jú segði hon,vit síggja  brimi upp á landi og vit fara nú  at sorlast har inni. Grát ikki lítla mín,vit eru ikki bara aldur, vit eru alt havið.              

Hvat siga vit til tað ?

upprunan til aldurnar  havi eg lant.                                                                 

onsdag den 19. januar 2011

Dj Tiesto - Trance sensation

At lurta eftir tilvitanarvíðkandi tónleiki er blivin ein lidenskapur. Set sjónvarpið á "GOD chanel". Serliga seinnapartin av náttini. Tú hoyrir suggiserandt tónleik, sær hvussu fólkini hoppa og dansa, veipa yvir høvdi við ørmunum, vrýggja við kroppinum og ganga og slenka aftur og fram millum stólarnar. Visualisera teg inn í tað sum hendir, og tú blívur berúsaður ella kemur í trance. Er ein sensetivur, kan ein sveimi á ljósareyðum skýggjum. Læra evangelistana kemur ikki til hugs í ekstasuni. Sansi bara ljóði og suggesiónina. ------------ Hetta var tilvitanarviðkandi lovsangur á høgum støði.

fredag den 14. januar 2011

Hon skuldi heim at vitja

Tað hevur ikki altíð verði so latt at ferast millum bygdir, sum tað er nú. Ì 1950árunum var tað Imanuel,sum sigldi til bygdirnar eystan fyri Múlan.Eg minnist serliga tað einu fer Jórun skuldi út til Hattarvík. Vit vóru tá komin at kennast og eg fylgdi henni á brúgvina hjá Olaf, tað var tíðliga so tað var myrkt. Hon kom umborð og tey fóru avstað



Silgt var norð gjøgnum Haralsund, lagt var at í Haralsundi, síðan norð fyri múlan. Fyri Múlanum rullaði nastan altíð; við Múla bygd bleiv róg í land, so yvir undir Leiti har bleiv lagt at.  Silgt var suður gjøgnum Sundi,lagt var at baði á Oyruni og Hvannasundi. Síðan gekk leiðin út til Svínoy, har bleiv lagt at við Eiði.


Nú var bara Fugloyggin eftir. Tað rullaði illa um Fugloyarfjørð, so tað bleiv nakað av sjóverki. Komu so út undir Fugloynna, men har var so nógv brim, at ikki var hugsandi um at koma í land. Nú var sind í Jórun.

 So var bara eitt at gerða og tað var at fara aftur ti Klaksvíkar. Imanuel kom aftur á Klaksvík  klokkan 07 um kvøldi; tá var aftur vori myrkt.Stakkals Jórun hon hevði siti umborð í 12 tímar, var, vát, køld og svong


  Kundi ikki lata verða at rísla nakrar myndir av Imanuel.

søndag den 9. januar 2011

Minnisglimt

Surfaði á netinum og kom fram á hesa myndina, sum gav minninum hjá mær eitt skump. Millum hesar menn umborð á Stellu Mariu (Stelluni) havi eg míni allar fyrstu minnir.
Pápi mín var skipari á Stelluni øll 1930 árini tá ið hon var heimahoyrandi í Klaksvík, eg eri frá nov. 34. Tey fyrstu minnini tá ið eg var umborð við pápa eru bert í glimtum.
Jóhannes hjá Luciu sum hevði siglt nógv úti við teim stóru seglskipunum var maðurin sum legði klaksvíksingum lag á hvussi teir skuldu brúka rigning og segl á teim stóru skonnartunum við trimum mastrum. Eg meini eisini hann var maðurin sum førdi Stelluna upp frá Frankaríki.
Tá ið vit koma til mína tíð við pápa umborð Stelluni, var Jóhannes havnafúti, einaferð eg var við pápa inni á havnakontórinum, vísti Jóhannes okkum brummurnar (arrestina),sum var í sama húsi, tá fekk eg stóra respekt fyri Jóhannes, eg helt hann tó verða ein hugnaligan mann. Nú kemur tað glimti sum setti minni í gongd. Ein dagin eg var umborð á Stelluni og gjørdi nakað sum eg ikki skuldi gerða; siga menninir mær frá Jóhannes sum kemur oman eftir kajuni. Eg kom beinan vegin at hugsa um brummuna og hvussu Jóhannes plaga at rasla við liklunum í lummanum; hvat var nú at gerða? jú ein tunna við ongum loki lá har a dekkinum, eg skundaði mær og kreyp inn í tunnuna og lá har og krogvaði meg; hvussi leingi veit eg ikki ; tí nú strekti minnisglimti ikki meira.  

torsdag den 6. januar 2011

Plakatin hja FBI agentinum "Fox Mulder"


Hava vit í dag onnur prógv uppá kontakt við rúmverður, enn trúgvin á at tær finnast?

 Andalig fólk, sum vísa seg at verða heilt normal; kunnu tó hava tær mest irrationalu fatanir av tilverðuni
Rangfatan, suggetión, meditatión, ekstase, transe og hypitinose, hava stóra ávirkan á fólk,------- "Enn eru vit ikki komin nærri verðuleikanum enn Fox Mulder"